Nagbaliwen iti takder ni Presidente Ferdinand Marcos Jr. maipapan iti plano a panangipila ti impeachment complaint kontra kenni Bise Presidente Sara Duterte.
Segun kenni Palace Press Officer ken PCO Undersecretary Claire Castro, kenuna ti Presidente a no mangipila ti reklamo nga impeachment ket rumbeng a matrato daytoy kas iti maar-aramid nga imbestigasion kadagiti flood control projects – awan ti panpaniganna ken dumaldalan iti umno a proseso.
Nupay saan a direkta a naibaga no suportaran wenno lappedan ti Presidente iti impeachment, impaganetget ni Castro a raemenna iti proseso ken agsungbat iti siasinoman a mapaneknekan nga addaan ti nagbasulan.
Maipalagip nga kadagiti naglabas a tawen ket inawagan ni Presidente Marcos a sayang ti oras iti impeachment maibusor iti Bise Presidente.
Segun kenni Castro, mabalin a saan pay a naan-anay a makitkita idi ti Presidente iti kinalawa ti isyu a maipabatbato maikontra kenni Duterte.
Impaganetget ti Malacañang a rumbeng nga ipangruna iti pagsungbatan ken due process, ken baybay-an nga agdur-as iti imbestigasion a maibasar iti ebidensia.###
