BR LA UNION – Namnamaen a dar-ayan ti aganay 200 a foreign delegations iti inagurasyon ni Pope Leo XIV.
Daytoy ket maibasar kadagiti opisyal idiay Vatican kasaruno ti panagtaripnong ti Provincial Committee for Order and Security idi Martes idiay Rome Prefecture.
Sumagmamano kadagiti dignitaries a dumar-y ket isuda US Vice President JD Vance, Royal family ti Spain, Israeli President Isaac Herzoh ken dagiti lider manipud European Union.
Kas paset iti nabayagen a tradisyon ti Simbaan Katolika, maisayangkat ti misa iti inagurasyon ni Pope Leo inton aldaw ti Domingo, Mayo 18 idiay St. Peter’s Square idiay Vatican City.
Maiganwat met ti inagurasyon agarop alas-10:00 ti agsapa, oras idiay Roma wenno alas-4:00 ti malem, oras ditoy Pilipinas.
