Inaprobaran ni Presidente Ferdinand Marcos Jr. ti nangatngato nga inaldaw a subsistence allowance para kadagiti kameng ti Armed Forces of the Philippines (AFP) iti P350 manipud iti P150, retroactively manipud Enero 1.
Daitoy et naan-anayen a linteg babaen ti napirmaan nga Executive Order (EO) 84 idi Marso 14 a naipubliko met ti Marso 15.
Nakalanad iti EO a napateg ti panagngato ti subsistence allowance ti amin nga opisyal ken enlisted personnel ti AFP para iti pannakasalakib ken panangitandudo ti pakaseknan da kas panagbigbig ti sakripisyo ken dedikasyon iti panagdepensa iti soberaniya ken territorial integrity ti Pilipinas.
Naibatad pay ti nasao nga EO nga ti agdama nga allowance ket saan nga umdas para ti inaldaw a pagkasapulan dagiti soldado nga adda iti serbisyo,nu sadino napateg met para iti panangiyuswat da ti trabaho.
Maudi a naaddaan ti adjustment ti nasao nga allowance idi 2015 babaen ti Congress Joint Resolution 5 a na-issue met ti kapada a tawen.
Kabayatanna, agnumar met iti daitoy dagiti trainee ken dagiti probationary 2nd lieutenants wenno ensigns a nakapaisidong iti military training, Military Training cadets nga adda iti summer camp training ken reserve officers, enlisted reservists a nakapaisidong ti training ken assembly wenni mobilization test, Citizen Armed Force Geographical Unit, ken kadagiti kadete.
