Ti “national rally for peace” nga inangay ti Iglesia ni Cristo ket saan a panaglabsing iti separation of powers iti nagbaetan ti simbaan ken ti estado, segun ken ni Senador Imee Marcos.
Mamati ni Marcos a saan a maiparit ti panangangay iti kastoy a klase ti rali.
Kinapudnona, kinunana a naparegta ti rali gapu iti wayawaya a linaon metlaeng ti Konstitusion.
Patien ti liderato ti Senado a saan a non-debatable ti rali ti INC.
Sinuportaran ni Senate President Francis “Chiz” Escudero ti tarigagay ti kastoy nga event ket kayat met ti mayorya nga adda da man wenno awan ket kayatda a pagkaykaysaen dagiti lider ti pagilian.
Para ken ni Escudero saan a makatulong ti panangtaming kadagiti isyu a panggep a kissayan ti awag para iti kappia ken panagkaykaysa iti pagilian iti daytoy a panawen.
Kabayatanna, intaginayon ni Senate Majority Leader Francis Tolentino a saan a gapu iti politika ti itatabunona iti nasao nga aktibidad no di ket para iti panagkaykaysa.
Immunan nga imbaga ti INC a ti rali ket ebkas da ti suportada iti oposision ni Presidente Ferdinand Marcos Jr. iti impeachment kontra ken ni Bise Presidente Sara Duterte.
