Nabotosan kas baro a presidente ti International Olympic Committee (IOC) ni Kirsty Coventry.
Isunan ti maika-10 a presidente ken kaunaan nga African ken babai nga nabotosan iti puwesto.
Napagballaigian ti 41-anyos dagiti pito a kalabanna a kandidato ti kinapresidente ti IOC.
Mainayon iti dayta ket isuna pay ti kaubingan nga agiggem ti nasao nga posisyon.
Kabayatann, pormal nga ag-akem iti puwesto inton umay nga Hunyo 24 ni Kirsty, kasaruno ti panagbaba ti puwesto ni Thomas Bach, kalpasan met ti 12 a tawen a panagserbi na.
Ni Conventry ket maysa nga swimmer manipud Zimbabwe nu sadino ket addaan isunan kadagiti pito a medalya ti Olympics.
Idi 2004 Olympics sadiay Athens ket nangabak daitoy ti tallo a medalya para iti 200 meters backstroke.
