Inyunay-unay iti Iran nga agtalinaed a kontrolado da iti Strait of Hormuz laksid dagiti waragawag ni United States President Donald Trump a posible nga ideklara na inton agangay iti ruta a teritoryo ti Amerika.
Kinuna ni Iranian Deputy Foreign Minister Kazem Gharibabadi a kukua ti Iran ti Strait ken ti laeng Tehran ti addaan bileg nga agdesisyon nu maluktan daitoy wenno maiserra.
“The Strait of Hormuz has been Iranian, is Iranian, and will remain Iranian,” imbatad ni Gharibabadi.
Sakbayna ket inwaragawag ni Trump iti maysa a political rally idiay New York a posible nga agomen ti Estados Unidos iti Strait of Hormuz apaman maabak dan iti Iran.
