Kinondena ti Iran iti peace proposal ti Estados Unidos ken inawaganda daytoy nga “unrealistic, illogical, ken excessive,” kagiddan ti panangisayangkatda ti kabaruan a missile strikes kontra iti Israel.
Kimmaro ti tension idi nakikadua iti laban dagiti Houthi rebels manipud idiay Yemen ken ti Hezbollah idiay Lebanon, nga agpada a nangisayangkat ti panagraut idiay Israel.
Kas sungbat, kenuna ti militar ti Israel a nangaramidda kadagiti airstrikes a nangpuntiria iti imprastruktura ti militar idiay Tehran ken Beirut.
Gapu iti agtultuloy a riribuk, ngimmato manen ti presio ti lana iti sangalubongan a merkado, a nangpakaro iti panagbuteng maipapan iti suplay ti enerhia.
Nagpakdaar ni US President Donald Trump iti Iran a pagtalinaedenna a silulukat ti Strait of Hormuz—maysa a napateg a ruta para iti pannakaipatulod ti lana ken gas—wenno sanguen ti posible a panangraut ti Estados Unidos kadagiti energy facilities ti pagilian.###
