Inlibak ti Iranian Oil Terminals Company dagiti reports mainaig iti maipagarup nga oil leakage iti asideg ti Kharg Island, maysa kadagiti kangrunaan nga oil export hubs ti Iran idiay Persian Gulf.
Rimmuar dagiti damag kalpasan a maipagarup a nagpakita iti satellite imagery ti dakkel nga oil slick iti kabaybayan a sakupen ti makin-laud a paset ti isla kadagiti napalabas nga aldaw.
Segun iti chief executive ti kompania, nangisayangkatda ti inspeksion kadagiti storage tanks, pipelines, loading facilities, ken tanker iti nasao a lugar ngem awan ti nakitada a pagilasinan ti tagas ti langis.
Awan met ti nairekord nga oil leakage iti Marine Emergency Mutual Aid Center (MEMAC), maysa a regional marine pollution monitoring body.
Malaksid ditoy ket nangisayangkat pay ti kanayonan a field inspections ken laboratory testing ti Iranian teams ngem awan ti naduktalda a tugot ti naibukbok a lana.###
