Idiay-diaya ni Iran President Masoud Pezeshkian a panawenen ti panagleppas ti sumagmamano a bulan a giyera idiay Middle East ken iti Estados Unidos.
Iti maysa a panagtataripnong, impakdaar ti presidente a nasaysayaat nga agsardeng ti gubat bayat a nabileg ken adda pay laeng ti dayawda.
Kinunana a bigbigen ti sangalubongan ti panagballigida ken pinasingkedanna nga iti Estados Unidos ti nangraut kadagiti eskuelaan, ospital, ken imprastrukturada, a panaglabsing iti amin a regulasyon, maysa a banag a kunana a kagura ti sangalubongan.
Dinipensaan met ni Pezeshkian ti napagtulagan a memorandum of understanding a kaduana ti Amerika idi Hunyo a panggep nga agpasardeng ti giyera, ken idiay-diayana a saan daytoy a sinyales ti panakaabak para iti Tehran.
Awan, kunana, ti nailanad iti tulagan a mangipakita ti “panagsukoda” ken amin a commitments ket para laeng iti sabali a bangir.
Inaramid ti Iran President daytoy a waragawag kalpasan a kinuna ni Supreme leader Mojtaba Khamenei nga inaprobaranna ti tulagan a mangpasardeng ti gubat uray pay iti nagduduma a kapanunotan.
