Imbilin ni Manila Mayor Francisco “Isko Moreno” Domagoso nga awan ti aniaman a roadworks wenno infrastructure projects ti mapalubosan a maaramid nu mailabsing daitoy ti City Drainage Master Plan.
Daitoy iti kinuna ti Mayor iti panagtaripnong na kadagiti kameng ti DPWH, MMDA, Maynilad, Manila Water, ken dadduma pay nga ahensya ti gobierno gapo iti maminsan manen a pannakadakamat ti nabayagen a drainage blueprint ti ciudad a narugyan idi paylaeng umuna nga termino na, tawen 2021.
Segun kenni Mayor Isko, proyekto ti imprastruktura ti rason dagiti nakaro a layus ti ciudad gapo iti palpak a pannakaipatungpal na nga ultimo panagrikep kadagiti manhole.
Indasig na pay dagiti sabali a lugar ti Maynila a sigud ket saan met a malaylayus uray nu kangitingitan ti bagyo, ngem regular itan a malaylayus.
“Hindi kami mag-aapruba ng permit kung hindi nakaayon sa drainage master plan”
Nupay inlawlawag na a saan isuna nga agpabpabasol, pinaregta na met dagiti mainaig nga ahensya a seryoswen ti pannakaipatungpal ti plano a kunana ket rumbeng a maibasar iti siyensya ken aktwal a sitwasyon ti ciudad.
