Nangiruar ti nadagsen a ballaag iti Islamic Revolutionary Guard Corps (IRGC) ti Iran kontra iti anyaman a gandat a panagatake iti pagilian da.
Naaramid ti nasao a ballaag sakbay iti maisayangkat a pannakaitabon ti napatay a Supreme Leader a ni Ayatollah Ali Khamenei.
Nagballaag iti Islamic Revolutionary Guard Corps kadagiti kabusor ti Iran, partikular iti Estados Unidos ken Israel, a liklikan ti anyaman a “biddut a kalkulasyon” wenno panag-atake bayat nga aglad-ladingit ti pagilian.
Indeklara ti Islamic Revolutionary Guard Corps a siasinuman nga agaramid ti agresyon ket sumango ti mas “determinado ken nakarkaru a panagibales” a saan pay a nakitkita.
Iti agdama, nakaipasidong iti kangatuan a tukad ti combat readiness ti intero a puwersa armada ti Iran iti sidong ti panangidaulo ti baro a Supreme Leader a ni Mojtaba Khamenei.
Ni Ayatollah Ali Khamenei ket napapatay iti panag-atake ti eroplano ti US ken Israel idi Pebrero 28, 2grugi ti gubat.
Iti opisyal ken nalawa a panagraem para iti natay a Supreme Leader ti Iran ket nangrugi idi kalman, Sabado, Hulyo 4 ken agpatingga inton Hulyo 9, 2026.
Namnamaen iti gobyerno ti Iran a nasurok 10 agingga 20 milyon a tattao ken gangannaet a delegasyon iti makipaset iti seremonya, isunga lalo a nairutan ti seguridad ken naiparikep iti sumagmamano nga airspace ti nasao a pagilian.
