LA UNION – Plano ti Israel nga agusar ti Iron Beam laser defense system a mangpa-suwek dagiti sumrek a missiles manipud Iran ken kaalyado na a Middle east region.
Namnamaen ti Israel nga agbalin nga operational ti nasao a defense system nga addaan ti high-power laser iti uneg ti makatawen.
Segun iti Israel, mangipaay daytoy ti baro a defense system iti ‘new era of warfare’ iti tengnga ti war of drones ken missiles na idiay Iran ken regional partners.
Gumastos iti Jewish state ti nasurok $500 million tapno palawaen iti produksiyon ti nasao a defense system.
Immunan nga inlanad ti Israel iti prototype ti Iron Beam idi 2021.
Segun iti Israel Defense Ministry, target ti nabirngasan nga Iron Beams nga agusar ti high-power lasers tapno mapag-suwek na dagiti projectile kabilang iti missiles, drones, rockets ken mortars.
Kumpara iti naisang-sangayan nga Iron dome ti Israel, iti laser shield ket mas nalak-laka, naparpartak ken mas epektibo kontra kadagiti drones a namin-adu a daras a napaay a ma-intercept wenno malapdan ti Iron dome.
