Intantan ni Israeli Prime Minister Benjamin Netanyahu iti panangiruar ti desisyon para iti agbalin nga aksyon ti militar idiay Gaza inton sumaruno a lawas.
Daytoy ket no saan nga umanugot iti Hamas para iti katulagan ti ceasefire, segun iti maysa a source a pamilyar iti nasao a saritaan.
Iti addang ni Netanyahu ket iti kangitingitan dagiti saan a panagtitinunos iti gobierno ti Israel seknan iti agbalin nga aksyon da idiay Gaza.
Maibasar iti source, adda dagiti sumagmamano a pabor iti plano a palikmutan iti Gaza City ken dadduma pay a population centers no kas pangarigan saan nga umanugot iti Hamas iti katulagan, bayat a dagiti dadduma ket tarigagay a sakupen iti siyudad. Adda met dagiti dadduma a ministro iti pabor kadagiti dadduma pay a plano.
Idi Huwebes, kenuna ti maysa a senior Israeli official a bumukbukel iti Israel ken Estados Unidos ti kabarwan a katulagan iti baetan ti naipadamag a panagsunod ti Hamas manipud kadagiti negosasyon para iti ceasefire ken hostage deal.
Innayon pay ti opisyal nga as-asikaswen ti Israel ken Estados Unidos iti panagpalawa ti humanitarian aid bayat nga agtultuloy dagiti military operations idiay Gaza.
Maipalagip nga immunan a dinakamat ti Hamas idi Huwebes a commited da nga itultuloy iti negosasyon para iti permanente a ceasefire ken naan-anay a panagwithdraw ti pwersa ti Israel manipud idiay Gaza, ngem kasapulan pay a mapasayaat iti kondisyon ti nasao a pagilian.###
