Saan a rumbeng a mangtantan ti aniaman nga isyu iti liderato ti Senado iti proseso ti impeachment, partikular iti kaso ni Bise Presidente Sara Duterte.
Dayta ti waragawag ni House Assistant Minority Leader ken Kabataan Party-list Rep. Renee Co kasaruno ti naan-anay a panagconvene ti Senado a kas Senate Impeachment Court.
Segun kenni Representative Co, a nadutokan pay kas House Trial Spokesperson, makadadael iti serbisyo ti umili a Pilipino nu matantan iti panagusig kontra iti Bise Presidente.
Impaganetget na a napanpanawenen para iti pagsungbatan ken saan a simpatiya wenno iti panagpolitika.
Dinakamat ti mamanday-linteg a maymaysa laeng ti panawagan iti umili a Pilipino – dayta ket tapno matuloy iti impeachment ken pagsungbaten dagiti korap.
