LA UNION – Naarestar ti maysa nga Italian national a kabilang ti High Value Target dagiti otoridad idiay Barangay Baccuit Norte, Bauang, La Union.
Nabigbig iti suspek a ni Paolo Guidoni alyas ‘Kano’, 47, addan asawa, residente iti nadakamat a lugar.
Nakumpiskar manipud iti suspek ti maysa a transparent plastic sachet a naglaon iti shabu, marijuana ken drug paraphernalia nga adda kabuklan a gatad a P34,000 pesos.
Immuna ditoy, nangipaulog ti search warrant ni Judge Bernadette B. Badecao-Abnasan ti Municipal Trial Court idiay ili ti Sto. Tomas a napetsaan ti July 26, 2019.
Iti agdama, nakabalud pay ti suspek kabayatan a maisagsaganan ti kaso a panaglabsing iti RA 9165 wenno Comprehensive Dangerous Drugs kontra kenkuana.
