Personal a binisita ni Italian Prime Minister Georgia Meloni ni Pope Francis sadiay Gemelli hospital idiay Roma.
Kinuna ni Meloni a naragsak ken responsive ti Santo Papa a makita isuna.
Innayon pay ti Punong Ministro a naalibtak a makilanglangay ti 88-anyos a Santo Papa ken masansan pay nga agisem ken agkatawa.
Kabayatanna, ikarkararag na met ti madagdagos a panagimbag ni Pope Francis kasta metten iti gobierno ken umili ti Italia.
Maipalagip nga idi pay napalabas a lawas idi naiturong ti Argentinian Pope iti ospital gapo iti mapaspasasran na nga bronchitis.
Kalpasan ti sumagmamano a panagadal ket naideklara nga addaan daitoy iti pneumonia ti dua nga bara na ken binallaagan daitoy dagiti doktor ti kanayunan a panagagas ken panaginana.
Iti sabali a bangir, adu met a managkararag ti nagturong iti ruar ti Gemelli hospital ken idiay dan a nangiyuswat ti vigil, nagsindi kadagiti kandila, ken nangibati kadagiti surat para iti madagdagos a panagimbag ti Santo Papa.
