BR LA UNION – Kimmidaw ti dispensar iti liderato ti Jeju Air, nga akinkukua ti Jeju Air flight, kalpasan iti nakaam-ames nga aksidente a nakairamanan ti kumpanya.
Maipalagip a nakalugan iti 181 a pasahero iti Jeju Air flight a naidungpar iti pader idiay Muan International Airport idiay South Korea.
Dua iti nakalasat, maysa a crew member ken maysa a pasahero ken 179 dagiti natay iti nasao nga aksidente.
Iti Boeing 737-8AS ket naggapo idiay Bangkok agturong idiay South Korea.
Maibasar iti inisyal nga imbestigasyon, iti aksidente ket posible a gapwanan ti pannakadungpar ti eroplano kadagiti billit, malaksid pay iti saan a nasayaat a kasasaad ti panawen.
Nagpatulod a dagus ti National Fire Agency ti South Korea ti 32 fire trucks ken adu a bumbero tapno masebseban ti apoy ken mangisayangkat ti search and rescue operations.
Nangipeksa ti pannakipagladingit ken siniguro iti Jeju Air ti tulong para kadagiti naulila a pamilya.
