BR LA UNION – Inwaragawag ni Department of Labor and Employment (DOLE) Secretary Bienvenido Laguesma a nairanta ti naisayangkat a career con 2025 job fair tapno matulungan dagiti POGO workers a napukawan ti trabaho.
Segun kenni Secretary Laguesma a maibasar iti datos, aganay 100 nga IGL workers ti nakipaset iti umuna nga aldaw a job fair idi Martes.
Nupay kasta, imbaga ti sekretaryo a ti nasao a bilang ket adayu iti aganay 40,000 a bilang dagiti apektado nga IGL workers.
Sumagmamano kadagiti naamwan a problema ni Laguesma ket kaadwan a diaya a sweldo kadagiti trabaho iti job fair ket entry level a minimum wage.
Inlawlawag ti sekretaryo a ti IGL workers ket addaan ti nangatngato a suweldo ken addaan pay iti benepisyo iti sigud a pagtrab-trabahuan da akumpanya.
Impaganetget met ni Laguesma nga adda dagiti employers iti nangidiaya ti high-end jobs isunga mangnamnama ti sekretaryo a makastrek dagiti IGL workers.
