LA UNION – Dinoble ti House of Representatives iti ipaay na a cash grant wenno nagbalin a P6 million iti ited da kenni Carlos Yulo, kalpasan a nakagun-od ti dua a gold medal iti 2024 Paris Olympics.
Immuna nga inyanunsiyo ni House Appropriations Committee Chairman ken Ako Bicol Partylist Rep. Zaldy Co a mangipaay iti Kamara ti P3 million gapu iti panangabak ti gold medal ni Yulo idi Sabado.
Ni Yulo iti kaunaan a Filipino a makaiyawid iti dua a gold medal manipud olympics.
Segun kenni Speaker Martin Romualdez, malaksid iti cash incentives, maawat pay ni Yulo iti congressional medal gapu iti exceptional achievement ken contribution na iti Philippine sports.
Iti cash incentives manipud Kamara ket malaksid pay iti P10-million incentive a maala ti maysa a Filipino Olympic gold medalist, a maiyannurot iti linteg.
Nangisayangkat pay ti fundraising initiative ni Speaker Romualdez kadagiti lawmakers tapno mangipaay ti kanayunan nga incentives kenni Yulo.
Rinaem ni Speaker Martin Romualdez ni Yulo babaen ti imbaga na a “once-in-a-century athlete kalpasan a nagun-od na iti double gold iti Paris Olympics.
