Saan a paboran ni House Majority Leader Sandro Marcos a mangisayangkat iti Kamara ti imbestigasyon iti panakairaman dagiti sumagmamano a manmanday-linteg – senador man wenno kongresista iti flood control projects anomaly.
Palawag ni Marcos, nasaysayaat no urayen iti direktiba ti Malakanyang kasaruno iti panangiruar ni Presidente Ferdinand Marcos Jr. dagiti maipagarop a nanggundaway iti bilyones a gatad dagiti flood control projects.
Mabalin a tumulong iti Kamara babaen ti panagkalap dagiti kanayunan nga impormasyon ken posible a nagtaudan ti anomalya, ngem nakadependir kenni Ako Bicol Party-list Representative Terry Ridon a chairman ti House Committee on Public Accounts no anya iti direksiyon ti hearing.
Malaksid iti nasao nga isyu ket rinugyan metten ni Ridon iti briefing ti flood contril projects ti DPWH a nagrason ti nalawa a panaglayos idiay Metro Manila gapo dagiti naglabas a bagyo ken habagat.###
