Plano ni dati nga Ilocos Sur Governor ken Senatorial Candidate Luis “Manong Chavit” Singson a mangnayon iti ad-adu pay nga economic zones ditoy pagilian.
Kinunana a bilang makatugaw isuna ti kina-Senador inton sumaruno a tawen, daytoy ti maysa a prioridadna malaksid iti electric jeepney ket karaman pay ti bank accounts ti tunggal Pilipino.
Inbatad na nga adda ti sigud a proposal nan idi sadiay Ilocos Sur mainaig iti pannakaibangon ti economic zone ngem saan lang daitoy a nakaawat ti suporta.
Impaganetget ni Manong Chavit a nagdesisyon latta isunan a mangipasdek ti economic zone idiay South Korea nga agingga ita ket agtultuloy latta ti operasyon na.
Ad-adda pay nga inlawlawag ti dati a gobernador a no nagtultuloy ti plano na, makatulong daitoy iti ekonomia ken adu kadagiti kailian ti maaddaan iti trabaho.
Ti palawag ni Manong Chavit ket kasaruno iti panagparang na kadagiti sumagmamano a kameng ti Central Luzon Media Association – Pampanga tapno ibinglayna dagiti plataporma apaman makatugaw ti Senado.
