Pinermaanen ni Presidente Ferdinand “Bongbong” Marcos Jr. ti Republic Act 12124, or the Expanded Tertiary Education Equivalency and Accreditation Program (ETEEAP) Act.
Daitoy a paglintegan ti mangipalubos kadagiti saan pay a nakapalpas kadagiti undergraduate degrees da nga usaren ti kapadasan da ti trabaho kas katupag ti college diploma.
Ti RA 12124 ti mangbigbig, assess, validate, ken mangitukon ti katupag nga undergraduate-level ken special graduate programs iti prior learning manipud iti formal, non-formal, ken informal learning systems kasta met ti relevant work experiences tapno ibilang ti kwalipikado nga indibidwal para iti grant ti maitutop nga academic degrees.
Agserbi kas lead agency ti RA 12124 ti Commission on Higher Education (CHED).
Kinuna ni CHED chairperson Prospero De Vera III a napateg ti kapadasan ti trabaho agsipud ta itin to trabaho ket maadal ken maicredit kas units iti agbalin a degree program.
Kabayatanna, dagiti interesado nga agapply ket agturong laeng kadagiti otorisado a pagadalan a karaman iti listaan iti CHED; nu kasapulan ti kanayunan a units wenno asignatura a kasapulan a palpasen tapno makumpleto iti degree, mabalin met iti online, night, weekend classes.
Saanen a baro iti programa agsipud ta ti maysa nga executive order ket immunan a naipaulog idi pay 1996; ti kaadda iti RA 12124 ket mangpapigsa laeng ti implementasyon na kasta met ti panangsagana para iti panagpondo.
Manipud 1999 agingga Oktubre 2024, ti RA 12124 ket nakapartuaten kadagiti 41,286 graduates.
Tarigagay ita ti gobierno a madoble iti numero dagiti kolehiyo ken unibersidad a mangididiaya ti Expanded Tertiary Education Equivalency and Accreditation Program.
