BR LA UNION – Impaganetget ti defense lawyer ni sigud a Presidente Rodrigo Duterte a ni Nicholas Kaufman nga awan ti partikular a direktiba manipud iti sigud a Presidente a patayen dagiti drug suspect iti kangitingitan ti kampaniya kontra iligal a droga.
Inaramid ni Kaufman iti waragawag ti agtultuloy a confirmation of charges hearing kontra iti sigud a presidente ita nga aldaw ti Huwebes, Pebrero 26, gaputi kaso a crimes against humanity nga adda pakainaigan iti pammapatay iti sidong ti anti-drugs campaign idi isuna pay ti mayor idiay Davao City ken presidente ti Pilipinas.
Segun kenni Kaufman, awan ti smoking gun wenno natibker nga ebidensiya iti kaso ken maipagarop nga awan ti uray maysa a testigo nga adda pakainaigan ti anyaman kadagiti 49 nga insidente a maiyak-akusar iti sigud a presidente ti nakaawat ti direkta a bilin manipud kenni Duterte a rumwar ken pumatay.
Dinillaw pay ni Kaufman iti alegasyon ti prosekusyon a nangiyuswat ti panag-atake ni Duterte iti intero a populasyon ti Pilipinas maiyannurot iti polisiya tapno ma-nutralisa dagiti indibidwal a mapapati a karaman iti krimen.
