BR LA UNION – Nagkedked a mangipaay ti waragawag iti legal counsel ni sigud a Presidente Rodrigo Duterte a ni Nicholas Kaufman seknan iti alegasyon ni Honeylet Avanceña a saan a napalubosan a bumisita ti sigud a presidente iti pagbaludan ti International Criminal Court (ICC) idiay The Hague, Netherlands.
Segun kenni Kaufman, saan a mabalin nga agsarita maipapan iti daytoy, maiyannurot kadagiti legal a makagapo ken privacy ti pamilya.
Inawlawag na a saan nga isuna ti mangitudtuding kadagiti karbengan iti panagbisita iti sigud a Presidente, nudiket iti liderato tudetention facility ken dagiti ukom nu kasapolan.
Iti biang ni Avanceña, kinuna na iti maysa nga interview, a saan da a pinalubosan a bumisita kalpasan a napagsaritaan da iti kaso ni Duterte iti maysa a tawag idi Hulyo 19.
Ngem impaganetget ni Honeylet nga awan iti naawat na nga impormasyon manipud kenni Kaufman seknan iti kaso ti sigud a Presidente.
Nagpanawagan met daytoy kenni Kaufman a saan a pawilan iti pamilya iti panagkiddaw na ti legal nga opinyon manipud iti sabali nga abogado, ken nangipeksa ti panagdanag iti salun-at ti sigud a presidente.
Sungbat ni Kaufman, nasayaat ti pannakataripato ken mamon-monitor iti salun-at ti sigud a presidente, babaen kadagiti tattao a makapol-polapol na iti inaldaw.
Kabayatanna, nasurok maysa a bulan laengen manipud ita wenno Setyembre 23 a maisayangkat iti hearing para iti panangkumpirma iti charges kontra iti sigud a Presidente.
