Pimmusayen ti kaunaan a kaso ti Covid 19 idiay ili ti Aringay, La Union.
Kinumpirma mismo iti Bombo Radyo La Union ni Dr. Rolando Mallari, Covid 19 focal person idiay ili iti Aringay a pimmusayen daytoy ala una iti malem idiay Ilocos Training Regional & Medical Center iti syudad iti San Fernando.
Immuna a nakumpirma daytoy kaunaan a Covid 19 case a maysa nga 81 years old a lolo manipud Valenzuela City ken naiyawid idiay ili iti Aringay.
Segun kenni Dr. Mallari ti pannakiuman iti Bombo Radyo La Union kenkuana a naiyalis ti lolo idi kalman manipud La Union Medical Center idiay ili ti agoo, ket naiyakar idiay ITRMC kadwa ti anak na a babai nga immuna a naipadamag a naospital kalpasan a nakaritna ti panaggurigor ngem kinumpirma ni Dr. Mallari nga adda iti natalged a kasasaaden daytoy.
Inpanamnama ni Dr. Mallari a nasurot a naimbag dagiti health protocols iti pannakaikali ti Covid 19 patient.
Iti agdama ket saan pay a madetermina iti makagapu ti ipupusay iti lolo no sadinno maururay pay ti resulta na daytoy babaen iti mairuar official death certificate.
Nangidanon metten ti pannakipagladinget ti lokal a gobyerno iti Aringay kadagiti kapamilya iti pimmusay.
Kabayatan na, naipasidongen iti swab test ti 25 a direct contacts iti pasyente ken maururay laengen ti resulta dagitoy.
Maitultuloy met ti localized enhance community quarantine iti 12 nga aldaw epektibo ita nga aldaw iti maysa a parte iti purok 3 iti Brgy. Samara iti nasao nga ili.
