BR LA UNION – Nainget a kinontra dagiti ukom iti International Criminal Court (ICC) iti kidkiddawen nga interim release ni sigud a Presidente Rodrigo Duterte agturong iti saan a nailanad a pagilian.
Inlanad ti Office of the Prosecutor iti 15 a pinanid a dokumento, a napetsaan ti Hunyo 23, a kiddawen da met iti tribunal nga ibasura ti kadawatan ti depensa nga interim release ni Duterte.
Maysa pay a nailanad iti nasao a dokumento, imbaga ti Office of the Prosecutor a maipagarop nga adda kabaelan ni Duterte a makibiang ken but-butngen dagiti testigo, ingkaso a maipalubos iti temporaryo a pannakawaya-waya daytoy.
Nakailanad pay iti request ti prosekusyon, nga adda “history” ni Duterte ken dagiti kakadwa na a maipagarop a makibiang iti imbestigasyon kontra iti sigud a presidente.
Iti dokumento ket pinirmaan ni ICC Deputy Prosecutor Mame Mandiaye Niang.
Iti agdama, nakadetine ni Duterte iti ICC detention facility idiay The Hague, Netherlands gapu iti kaso a “crimes against humanity.”
Naituding ti umuna a confirmation of charges hearing inton Setyembre 23, 2025.
