Makikokoordinaren ti Presidential Anti-Organized Crime Commission wenno PAOCC kadagiti nagduduma nga ahensya ti gobierno para ti naan-anay a panagibus ti illegal online gambling ditoy Pilipinas.
Segun kenni PAOCC Executive Director Undersecretary Gilbert Cruz, nainget da nga im-imbestigaran nu adda dagiti kaso ti panag-abuso wenno pammutbuteng kas kadagiti online lending scheme ken money laundering a kas Philippine Offshore Gaming Operations wenno POGO, kasta met nu sadino ti nagtaudan da ken sinu-sino dagiti addaan koneksyon kadagitoy.
Isumbitir dan to kadagiti mamanday-liteg iti resulta ti panagadal nu kasapulan iti strikto nga implementasyon wenno naan-anayen nga iparit ti online a panagsugal ditoy pagilian.
Maipalagip a nagduduma a gakat ti impila dagiti mamanday-linteg para ti plano a regulasyon wenno total ban iti online gambling gapo iti umad-ado a biktima ti adiksyon ken mainaig a krimen.
