Kinalampag ni Senator Sherwin Gatchalian dagiti amin nga E-wallet platforms a naan-anayen nga ikkaten iti koneksyon da kadagiti online gambling.
Naipatungpal iti Dominggo mas strikto a polisiya ti online gambling iti GCash ken saanen a makita pay dagiti advertisements kasta met a saanen a “clickable” dagitoy iti platform.
Impadanon ti senador iti pannakadismaya na ken impaganetget a saan nga umdas iti panangipatungpal ti restrictions ti GCash kadagiti ads ti e-gambling nangruna ta dakkel iti pagsungbatan dagiti e-wallets iti panangitandudo ti pakaseknan dagiti umili.
Malaksid iti GCash ket nag-apela pay ni Gatchalian iti Maya, Coins.ph, kekn dadduma pay a putden da metten dagiti serbisyo da iti e-gambling.
Impaganetget iti mamanday-linteg a saan nga ang-angaw iti epekto ti online gambling gapo ta adu nga agtutubo ken pamilya a Pilipino ti nairurumen iti utang gapo iti sugal.
