Pimmusay ti maysa a motorista kalpasan nga madayanggos ti bus idiay Agoo, La Union.
Nabigbig ti pimmusay a biktima a ni Fretzie Sambrano, 27 anyos, residente ti Barangay Dulao, Aringay La Union.
Maibasar iti report manipud iti Agoo Police Station, napasamak ti insidente iti kawatiwatan ti McArthur Highway ti Barangay Consolacion, Agoo, La Union itay nabiit.
Segun iti maysa nga testigo a ni Alvin De Gracia, 35 anyos, tricycle driver, residente iti Barangay San ti motorsiklo ti biktima nga adda iti ngalay ti kalsada ken ti bus nga adda iti tengnga ti kalsada ket agpada nga agturturong ti amianan a direksyon.
Apaman a nakadanonda iti nakapasamakan ti insidente, mapapati a nag-overtake ti bus iti biktima a nakaigapuan ti pannakatay na.
Nagpasar ti biktima iti pannadundunnor ti ulo na bayat a ti bus driver ket naglibas a agturong iti amianan a direksyon.
Agtultuloy pay laeng ti imbestigasyon dagiti otoridad mainaeg iti nasao a pasamak.
