Natiliw ti maysa a wanted person iti uneg mismo ti Agoo Police Station, idiay Agoo, La Union.
Nabigig ti suspek a ni Clark Lapida y Lopez, 28 anyos, addaan ti live in partner, awanan trabaho ken madama nga agnanaed idiay Brgy. Bail, Sto Tomas, La Union.
Maibasr iti police report, madama a mangal-ala ti National Police Clearance na ti suspek idiay Agoo Police Station, idi a nagparang ti nagan na iti E-Warrant System nga adda ti standing Warrant of Arrest na idiay Masbate City.
Dagusda ngarud nga inkoordinar iti Masbate City Police Station tapno maberepikar ti nasao a warrant ken naduktalan a sumangsango ti suspek Qualified Seduction ken narekomendaan iti piyansa a P16,000.00 nga inpaulog ni Hon. Arnelo C Mesa, Acting Presiding Judge ti RTC, Br. 43, Masbate City.
Kabayatan na, babaen iti nagtitipon a puwersa ti Agoo Police Station led unit, Mandaon Masbate MPS, Masbate City ken dadduma pay a unit ti kapulisan ket natiliw ti nasao a suspek.
