BR LA UNION – Arestado ken adda itan iti kustodiya ti Bauang Police Station iti lalaki a suspek ti two counts of rape wenno panangrames ti maysa a menor de edad idi tawen 2021.
Naarestar ti suspek iti insayangkat a manhunt operation dagiti otoridad idiay Brgy. Santiago, Bauang, La Union agarop alas 8:30 ti bigat idi kalman, Pebrero 13 .
Binigbig ni PCOL HERYL L BRUNO, director iti La Union Police Provincial Office, iti akusado a 33-anyos, self-employed, maibilang kas 10th most wanted person iti Region 1, ken residente ti Brgy. Bucayab, Bauang.
Segun iti police official, naarestar ti suspek babaen ti bileg ti warrant of arrest nga inyisyu ti Regional Trial Court Branch 67 idiay Bauang.
Maibasar iti record ti pulisiya, iti suspek ket rinames ken nasikoganna iti 14-anyos a balasitang idi 2021.
