LA UNION – Inaresto iti pulisya ti maysa a lalaki gapu iti panaglabsingna iti Anti-child Abused Law idiay ili ti Bauang, La Union.
Nabigbig ti akusado a ni Randy Samson, 31-anyos, residente iti Barangay Central East ti nasao nga ili.
Base iti impormasyon a nakalap ti Bombo Radyo manipud iti Bauang Police Station, natiliw ti suspek babaen ti bileg iti warrant of arrest nga inyatnag ti korte.
Umabot met iti P30,000 ti intuding a piyansa ti korte para iti temporaryo a pannakaruk-at ti akusado.
