LA UNION – Isagsaganan ti Philippine Drug Enforcement Agency (PDEA) Regional Office-1 ti kaso kontra ti maysa a lalaki kalpasan a nakompiskar manipud iti ikotna dagiti naka-sachet a shabu idiay Barangay Poblacion, ili ti Aringay, La Union.
Nabigbig ti suspek a ni Ronald Balanag, residente ti nasao a lugar.
Naammuan ti Bombo Radyo manipud ti Aringay Police Station, babaen iti panangidaulo dagiti kameng ti PDEA ket insirbida ti search warrant idiay balay ti suspek.
Dua a sachet a naglaon iti shabu ti naala dagiti otoridad manipud iti uneg ti balay ni Balanag.
Ni Balanag ket karaman iti drug watchlist ti PDEA.
