LA UNION-Dead on arrival iti ospital maysa a lalaki kalpasan a naidungpar iti pader ti minaneho daytoy a motorsiklo itay parbangon idiay Bagulin-Naguilian Road iti masakupan ti Brgy. Liaoac Norte, Naguilian, La Union.
Nabigbig ti biktima a ni Ric Jason Baladad, 31-anyos, residente ti nasao a barangay.
Iti interview ti Bombo Radyo La Union kenni SPO2 Eduardo Salio, chief investigator ti Naguilian Police Station kinunana nga agturong kuma ti ili a Bagulin ni Baladad idi mapukawan ti kontrol iti minaneho a vehikulo partikular iti sharp curve.
Innayonnapay a maipagarup napartak ti pataray ti biktikma a gapuanan ti napigsa nga impact ti aksidente.
Nagpasar ti nakaro a pannakadunor ni Baladad a nagresulta iti ipupusayna bayat a totally damaged ti suot na a helmet ken inusar a lugan.
