LA UNION – Hustisya ti iyek-ikkis ti pamilya ti lalaki a bangkayen idi a masarakan nga immuna a naipadamag a missing idiay Aringay, La Union.
Nabigbig ti biktima a ni Carmas Papa, residente ti Barangay Salcedo, Luna, La Union.
Immuna ditoy, naipakaamo a mapukpukaw ti nasao a biktima idi rabii ti Pebrero 12, ken nasarakan a maysan a bangkay idi malem ti Pebrero 13, iti nagbeddengan ti San Pascual, Tuba, Benguet ken Tubao, La Union.
Segun iti panangiladawan ni PMaj. Dominador de Guzman, dadaulo ti Tuba Municipal Police Station nga nagresponde iti lugar nabungon iti masking tape ti ulo ti bangkay ken adda sugat ti barukong daytoy.
Kinumpirma met ti pamilya ti biktima ti nasao a bangkay gapu ti tattoo na iti ima ita nga aldaw Pebrero 16 idiay punerarya.
Agtultuloy met ti imbestigasyon kadagiti suspek ken ti motibo iti pannakapapatay ti biktima.
