LA UNION – Mangisayangkat iti libre nga Operation: Tuli iti San Fernando City PNP nga idadaulwan ni PCI John Guiagui, para kadagiti residente ti syudad inton Abril 21, 2018 iti Ortega gym ditoy syudad ti San Fernando.
Iti eksklusibo nga interview ti Bombo Radyo La Union kenni Guiagui, agdama a chief-of-police ti San Fernando, kinuna na a tinawen nga isay-sayangkat na ti nasao a programa, kas tulong kadagiti adda kapansanan na ken masak-sakit, malaksid laeng iti mandato dagitoy a panangipatungpal iti anti-criminality campaign.
Segun kenni Guiagui, a malaksid iti Operation:Tuli ket mangipaay da pay iti libre nga agas ken check-up, para iti target da a 500 recipients wenno benipisyaryo.
