Adu ti imbati ti Bagyo Gaemi a pannakadadael iti nadumaduma a sektor iti Taiwan, kabayatan ti panagraira-na.
Maibasar iti kaudian a report nga inruar ti gobierno ti Taiwan, limned ti maysa a barko iti kangitingitan ti layus gapu iti nasaknap a tudo ken napigsa nga angin.
Ti barko ket maysa a freighter nga addaan iti bandera ti Tanzania a naglugan iti siam a Myanmar nationals.
Limned daytoy bayat nga adda iti danum a sakop ti Kaohshiung City.
Agtultuloy pay laeng ti panagbirok ditoy, agraman dagiti tripulante a naglugan kalpasan a maipagarup a saan a simmungbat dagiti tripulante iti panagregget ti komunikasion nga inaramid dagiti otoridad.
Iti agdama, agtaltalinaed iti dua ti bilang dagiti natay gapu iti epekto ti bagyo idinto a dimmanon met iti 266 ti bilang dagiti nasugatan.
Nupay kasta, agtultuloy met ti panagkumpirma ti maysa a mortality gapu iti epekto ti bagyo.
Segun kadagiti otoridad, rinibu a sangakabbalayan ti napukawan iti suplay ti koriente.
