BR LA UNION – Namantinir ti bagyo Neneng ti kapigsa na bayat a dup-dupagenna ti palaud agturong iti daya a kabaybayan ti Batanes.
Naudi a nasaripatpatan iti sentro ti bagyo Neneng iti kaadayu a 745 km daya ti Itbayat, Batanes, kabuyog na ti angin a 45 km/h asideg iti sentro ken kapegges a dumanon iti 55 km/h.
Iti agdama, dup-dupagenna iti palaud a direksiyon iti kapartak a 25 km/h.
Saan a namnamaen nga ag-landfall ti bagyo Neneng ditoy pagilian agsipudta adayu iti kadagaan.
Nupay kasta, manamnama nga ag-landfall iti daya a kabaybayan ti Taiwan inton Huwebes (August 20).
Segun iti PAGASA, agtalinaed a tropical depression ti bagyo Neneng agingga nga agbalin a remnant low inton Huwebes kalpasan nga ag-landfall idiay east coast ti Taiwan.
Kabayatanna, agtultuloy a mangigubway ti panagtudtudo ti agraraira a southwest monsoon wenno habagat, iti Luzon ken lumaod a paset ti pagilian agingga aldaw ti Biyernes (August 21), maibasar iti weather outlook ti state weather bureau.
