BR LA UNION – Inyanunsiyo ti Philippine Atmospheric, Geophysical and Astronomical Services Administration (PAGASA) a nalpasen iti southwest monsoon wenno habagat season.
Segun iti PAGASA, addan iti naobserbaran da a napigsa a high pressure system iti East Asia, southward-migrating Intertropical Convergence Zone (ITCZ), ken nabuntog nga angin, kasta metten nakissayanen dagiti tudo a gapwanan ti habagat.
Dagiti nasao a kondisyon ket namnamaen nga agtalinaed iti sumaganad nga aldaw agsipudta opisyalen a nagleppas iti habagat.
Innayon pay ti state weather bureau, a daytoy metten ti panagturpos iti panawen ti panagtutudo iti laud a paset ti Luzon ken Visayas.
Maipalagip a nangrugi iti Southwest Monsoon idi Mayo 30 ken naideklara ti tiyempo ti panagtutudo idi Hunyo 4.
Immunan nga imbaga ti PAGASA a ti Amihan season 2025-2026 ket agbalin a nadagaang ken makissayan ti lammiis kumpara iti naglabas a tawen gaputi epekto ti Strong El Niño.
