BR LA UNION – Namantinir ti Tropical Storm KROVANH (sigud a bagyo PILANDOK) ti kapigsa na bayat a dup-dupagenna iti abagatan-a-palaud iti kapartak a 20 km/h .
Naudi a nasaripatpatan ti sentro ti Tropical Storm KROVANH iti kaadayu nga 835 km amianan-a-daya ti Extreme Northern Luzon iti ruar ti Philippine Area of Responsibility (PAR) kabuyog ti angin a 65 km/h asideg iti sentro ken kapegges a dumanon ti 80 km/h.
Masibasar iti forecast track, agre-enter ti bagyo iti Philippine Area of Responsibility (PAR) inton bigat, iti baetan ti agsapa ken malem (September 6) ken maawagan latta a bagyo Pilandok.
Agtalinaed iti Philippine Sea ken saan a namnamaen nga ag-landfall iti sadinuman a paset ti pagilian.
Kalpasan ti sumaganad a 36 nga oras, manamnama a kumapsot ken agbalin a tropical depression, malem wenno rabii inton Lunes, September 7 ken rumwar iti Philippine Area of Responsibility iti dayta met laeng nga aldaw.
Nupay kasta, iti sumaruno a 24 nga oras, namnamaen a mangigubway ti Southwest Monsoon iti nadawel a kabaybayan partikular idiay Batanes ken Babuyan Islands.
