LA UNION – Maysa a lalaki a managan Cecil Andre Gomes, ti saan a makatalna gapu iti kanayon a panagpadara ti agongna.
Agingga a napanunotna ti mapan agpa-checkup iti Doktor tapno maammuanna ti makagapu iti panagpadara ti agongna.
Nakigtot ti mangeksamen a doktor idi nakitana ti sibibiag a leech wenno linta iti uneg ti agong ni Gomes.
Segun ken ni Dr. Subhash Chandra Verma, ti panagsusop ti dara ti leech ti makagapu no apay a di agsarding ti panagpadara ti agong na.
Segun ken ni Gomes, mabalin a simrek ti linta iti agongna idi nagdigos iti karayan. Kinuna ti doktor a pagimbaganna ta saan a nakadanon ti linta kadagiti kritikal a paset ti ulo ni Gomes, kas ti utek na, nupay manmano a mapasamak dayta.
Natalged a naikkat ti sibibiag a linta ken awan ti nadunor iti uneg ti agong ni Gomes. Sigun iti eksperto, mabalin nga agbiag dagiti linta iti sumagmamano a lawas iti uneg ti bagi ti tao.
