LA UNION – Manarimaan iti panang-beripika ti Commission on Elections iti listaan ti “Potential Election Areas of Concern” nga insumite ti Philippine National Police (PNP).
Inlawlawag ni PNP Spokesperson Police Colonel Jean Fajardo, adda iti sumagmamano a parameter a maikonkonsidera iti panang-determina dagiti areas of concern iti eleksiyon, kas koma dagiti validated election-related incidents ken intense political rivalry iti sumagmamano a lugar ken presensiya ti pribado nga armado a grupo.
Nagkedked met iti PNP official a mangiruar ti bilang ken nu anya a lugar dagitoy, gaputi posible nga implikasyon na iti panang-idenify dagiti possible areas of concern.
Inwaragawag pay ni PCol. Fajardo a ti ranta ti panangdetermina dagiti areas of concern ket tapno maamwan nu manu a pulis iti mai-deploy kadagiti madetermina a lugar ken manu met ti maimuntar iti sidong ti Comelec control.
