Saan a mailemmeng ni Liza Soberano ken H.E.R. ti ragsakda iti panagbalinda a paset iti mapaspasungadan nga animated film a Forgotten Island manipud iti maysa a nalatak nga American production.
Tampok iti pelikula ti nabaknang a kultura ti Pilipinas—manipud kadagiti alamat ken tradisyon aginggana iti inaldaw a panagbiag.
Segun kenkuada, napateg ti proyekto gapu ta mangipakita daytoy ti pudno a pakabigbigan ti Pilipinas iti intero a lubong.
Akemen ni Liza iti character a ni Raissa, a mangipakpakita iti kapadasan dagiti ado a Pilipino, partikular iti epekto ti OFW culture kadagiti pamilia nga aginnadayo. Kabayatanna, ni H.E.R. iti mangboses iti karakter a ni Jo, ket nangipeksa ti panagpanakkelna iti dara a Pilipino ken impaganetget iti panangipateg iti pamilya, taraon, tradisyon, ken pati ti karaoke ket tampok iti pelikula.
Agrikos met iti istorya iti panag-gayyem dagiti dua nga ubbing, bayat a maiparparang iti trailer dagiti elemento a Pilipino kas iti jeepney, komunidad, ken kadawyan a silid-pagadalan.
Karaman met iti cast da Lea Salonga, Dolly de Leon, Manny Jacinto, Jo Koy, Jenny Slate, ken Ronny Chieng.
Mabuya ti pelikula a “Forgotten Island” kadagiti sinean inton Setyembre 23.###
