LA UNION – Nagrambak iti maika-100 a tawen a kasangayna ti maysa a lola a residente iti Barangay Legleg, San Juan, La Union.
Daytoy ket ni lola Rosario Nebres a naipasngay idi October 17, 1920.
Iti pannakiuman ti Bombo Radyo kenni Lola Rosario, kinunana a naragsak daytoy gapu ta nadanunna ti nasao nga edad.
Maysa a mannalon ti nadakamat a lola ken nateng iti kanayonna a taraon isu a pimmapot iti biagna.
Iti edadna a 100, makapagna pay laeng ni lola Rosario.
Walo iti anakna, ngem dua kadagitoy iti immunan a pimmusay.
Kabayatan iti panagrambak iti kasangay ni lola Rosario ket naipaayan daytoy iti P10,000 a cash manipud iti asosasyon dagiti senior citizen idiay ili ti San Juan.
Madama met ita ti pannakaiproseso kadagiti kasapulan a dokumento tapno magun-odna iti sabali pay a cash manipud iti gobyerno.
