Pimmusay ti maysa a tricycle driver kalpasan nga pinalpaltogan dagiti saan pay a nabigbig a riding in tandem suspects iti paset ti Brgy. Road ti Brgy. Bacani idiay ili ti Rosario, La Union idi rabii.
Nabigbig iti biktima a ni Ronaldo De Vera, 43, addan asawa, ken residente ti Brgy. Bacani.
Iti pannakiuman ti Bombo Radyo La Union kenni Patrolman Kevin Milan, imbestigador ti Rosario Police, sakbay ti insidente ket naggapu ti biktima iti balay ti ina na idiay Brgy. Tabtabungao ken agawiden idi pinalpaltogan dagiti suspek a dagus a naglibas.
Numan naitaray iti Rosario Distrct Hospital ti biktima ngem indekla daytoy a natay ti attending physician.
Kitkitaen ita dagiti otoridad nga motibo iti pammapatay ket love triangle ken problema iti pamilya.
4 nga basyon ti bala manipud iti Caliber 45 ti narekobre manipud iti crime scene dagiti otoridad.
Ti agdama, adda iti punerarya ti bangkay ti biktima no sadino plano ti pamilya nga ipasidong daytoy iti autopsy bayat nga agtultuloy iti imbestigasyon dagiti otoridad.
