Agtalek ti Land Transportation Office (LTO) a marisuten dagiti kolorum a tricycles idiay siudad ti Marikina.
Segun kenni LTO Chief Vigor Mendoza II, nasungbatanen iti backlog dagiti licensed plate ti tricycles.
Inlawlawag ni Mendoza nga agdagup iti 1,223 a pedaso ti yellow plates ti inwaras ti LTO kadagiti tricycle drivers babaen ti tulong ti gobierno.
Maipalagip nga idi napalabas a tawen ket tinaripnong ni Presidente Ferdinand Marcos Junior da Transportation Secretary Jaime Bautista ken LTO Chief Mendoza mainaig iti parikut dagiti license plates.
Immunan a nasungbatan ti LTO ti backlog dagiti license plates iti four-wheel vehicles idi nakaaramid da ti aganay 800,000 license plates.
