La Union – Linagip ti La Union Police Provincial Office (LUPPO) iti ma-ikatlo a tawen nga anibersaryo ti nadara a Mamasapano encounter ita nga aldaw ti Huwebes, January 25.
Indaulwan daytoy ti nangangato nga opisyal ti LUPPO, Local Government Unit, pamilya ken dadduma a kakabagyan ni PO2 Omar Nacionales iti nakaimasagan na a Luna Memorial Cemetery idiay ili ti Luna, La Union.
Iti tenga ti selebrasyon, nagbalin nga emosyunal iti biyuda ni PO2 Nacionales a ni PO2 Ge-Ann no sadino paset iti panagbetla na iti pananggun-od ti hustisya para iti pimmusay nga asawa.
Kabayatan na, iti inruar a Proclamation No. 164 ni Pangulo Rodrigo Duterte, nagpanawagan ti pangulo iti umili tapno lagipen iti tunggal January 25 a kinabanuar ti 44 nga miyembro ti PNP-Special Action Force gapu iti panangikagumanda a maipaayan ti seguridad iti pagilian kontra kadagiti terorista a kas kada Zulkifli bin Hir alyas Marwan ken Basit Usman.
Maysa laeng ni PO2 Nacionales iti 44 a SAF Commandos nga pimmusay a tubo ti probinsya ti La Union.(Ann Aragon)
