BR LA UNION – Nakasaganan ti La Union Police Provincial Office (LUPPO) para iti maisayangkat nga eleksiyon inton Lunes, Mayo 12, 2025.
Paset iti inaramid a preparasyon ti La Union Police iti panangimuntar ti kanayunan a puwersa ti PNP, AFP, ken dadduma pay a force multipliers kadagiti istratehiko a lugar ditoy probinsiya, a pakaibilangan idiay Pugo, La Union.
Kabayatannna, pinakdaaran ken binalakadan ni Police Major Lawrence Ganuelas, agdama a Public Information Officer ti La Union Police Provincial Office, iti publiko seknan iti panagraira dagiti fake news wenno palso a damag, nangruna ita a panawen ti eleksiyon.
Segun kenni Ganuelas, kasapolan nga agbalin nga alerto iti panagusar ti social media ken amirisen a naimbag dagiti makit-kita ken mabasbasa iti online, tapno saan a mabiktima ti disinformation ken misinformation.
