Indauluan ni Presidente Ferdinand Marcos Jr. ti Joint National and Regional Peace and Order Council (NPOC-RPOC) Meeting para iti maikadua a semestre ti 2026 tapno mapagsasaritaan dagiti addang tapno mataginayon ti talna ken seguridad iti pagilian.
Imbilin ti Presidente kadagiti ahensia ken lokal a gobierno ti panangpainget ti seguridad kadagiti pagadalan ken panangipatungpal iti nalawag a proseso para iti panangireport ken panangsungbat iti bullying, kinaranggas ken emerhensia.
Insingasingna pay nga adalen iti padas dagiti dadduma a pagilian iti regulasyon ti panagusar dagiti agtutubo iti social media.
Kabayatanna, naipadamag a 55,375 persons deprived of liberty (PDLs) ti nawayawayaan manipud Enero agingga iti Setiembre 2026 babaen kadagiti paralegal services.
Napagsasaritaan pay iti panagtataripnong ti panangpapigsa iti police visibility, panangpapartak iti emergency response ken panangpasayaat kadagiti addang kontra krimen.
