LA UNION – Intaleken dagiti mangimatmaton ti CSI Mall iti imbestigasyon iti pulisya maipapan iti agwar-watas a maipagarop a sex video iti uneg ti comfort room ti nasao a mall, a nakabase ditoy syudad ti San Fernando, La Union.
Segun iti management ti mall, naklaat da met iti nagwaras a damag, maipapan iti maipagarop a ladawan ken video iti social media kalpasan a napagsaritaan daytoy.
Saan met a masinuno nu iti CR ti CSI mall a napasamak iti panagnaig, isunga tarigagay da a pa-imbestigaran iti nasao a video.
Tarigagay pay a maamwan iti liderato ti mall iti pakabigbigan dagiti nagnaig, iti nangala ti video ken nag-upload iti social media.
Iti nasao a video ket agpaut ti 2:35, makita a naka-sapatos iti lalaki idinto a naka-sandalyas met iti babae.
Ngem saan a makita iti nasao a video iti rupa dagiti dua.
